काठमाडौं । भोटेकोशी क्षेत्रमा आएको विनाशकारी बाढीबाट प्रभावित परिवार तथा समुदायको उद्धार, राहत र पुनर्स्थापनाका लागि श्रीनगरले ११ लाख ११ हजार १११ रुपैयाँ सहयोग गरेको छ। श्रीनगरले उक्त रकम प्रधानमन्त्री दैवी प्रकोप उद्धार कोषमा जम्मा गरेको हो।
भोटेकोशी नदीमा आएको बाढीका कारण विभिन्न क्षेत्रमा ठूलो जनधनको क्षति हुनुका साथै स्थानीय बासिन्दा प्रभावित भएका छन्। बाढीका कारण घर तथा भौतिक संरचनामा क्षति पुगेको, परिवारहरू विस्थापित भएको र दैनिक जीवन प्रभावित भएको अवस्थामा राहत तथा पुनर्स्थापनाका लागि विभिन्न क्षेत्रबाट सहयोग जुटिरहेको छ।
यही क्रममा सामाजिक उत्तरदायित्वलाई प्राथमिकतामा राख्दै श्रीनगरले विपद् प्रभावित नागरिकलाई सहयोग पुर्याउने उद्देश्यले प्रधानमन्त्री दैवी प्रकोप उद्धार कोषमा रु. ११,११,१११ योगदान गरेको जनाएको छ।
श्रीनगरले विपद्को समयमा प्रभावित समुदायप्रति ऐक्यबद्धता जनाउँदै उद्धार, राहत तथा पुनर्स्थापनाका लागि सामूहिक सहयोग आवश्यक रहेको उल्लेख गरेको छ। कम्पनीका अनुसार संकटका बेला सरकारी निकाय, निजी क्षेत्र, संघसंस्था तथा नागरिक समाजबीचको सहकार्यले प्रभावित परिवारलाई आवश्यक सहयोग पुर्याउन महत्वपूर्ण भूमिका खेल्न सक्छ।
कम्पनीले बाढीबाट प्रभावित सम्पूर्ण नागरिकप्रति सहानुभूति व्यक्त गर्दै प्रभावित परिवारको जीवन सामान्य अवस्थामा फर्काउन आवश्यक सहयोग र सहकार्य जारी राख्ने प्रतिबद्धता जनाएको छ।
श्रीनगरले आफ्ना साझेदार, सहकर्मी तथा शुभेच्छुकहरूलाई समेत आ–आफ्नो क्षमताअनुसार राहत तथा पुनर्स्थापनाको अभियानमा सहभागी हुन आग्रह गरेको छ। कम्पनीले विपद्को समयमा गरिएको सानो सहयोगले समेत प्रभावित परिवारको जीवनमा महत्वपूर्ण योगदान पुर्याउन सक्ने जनाएको छ।
“हरेक प्रयासले प्रभावित परिवारको जीवन पुनर्निर्माणमा योगदान पुर्याउँछ,” श्रीनगरले आफ्नो सामाजिक सन्देशमा उल्लेख गरेको छ।
भोटेकोशी बाढीपछि प्रभावित क्षेत्रमा राहत तथा पुनर्स्थापनाका लागि निजी क्षेत्र र विभिन्न संघसंस्थाबाट सहयोग घोषणा तथा हस्तान्तरण गर्ने क्रम बढ्दै गएको छ। यस्तो सहयोगले तत्कालीन राहतसँगै प्रभावित समुदायको पुनःस्थापनामा समेत योगदान पुग्ने अपेक्षा गरिएको छ।
